隨影: 070826故宮博物院

原定第三日係去「烏來」，但天氣報告話會下大雨兼閃電，一早起身天色亦唔係太好，於是改變行程先去「故宮博物館」，去到「士林捷運站」天色放晴，仲曬到頭頂出煙。第一次嚟「故宮博物館」，奶奶話因為定期換展覽品，如果有得睇大白菜同豬肉就更好，當日展品有“伊斯蘭玉器、金榜題名─清代歷史文書珍品展、清代傢俱展、清代皇室的文物典藏、林宗毅先生捐贈書畫紀念展、 ”等等，而二樓常設展果然有“翠玉白菜、肉形石”，我哋由一樓慢慢睇上去，自己最鍾意係常設展裏面 o既“墨晶筆筒”，但始終“翠玉白菜、肉形石”最多人圍觀。